పెద్దపల్లి జిల్లా వాసులను వణికిస్తోన్న పెద్దపులి

పెద్దపల్లి జిల్లాలోని పలు ప్రాంతాల్లో పెద్దపులి సంచారం స్థానికుల్లో ఆందోళన రేకెత్తిస్తోంది. కమాన్​పూర్​ మండలం గుండారంలో పులి పాదముద్రలు కనిపించాయి.

పెద్దపులి సంచారంతో పెద్దపల్లిలోని పలు ప్రాంతాల ప్రజలు బిక్కుబిక్కుమంటూ గడుపుతున్నారు. గత 20 రోజులుగా పెద్దపల్లి జిల్లాలోని అనేక ప్రాంతాల్లో పులి సంచరిస్తోంది. మంగళవారం ఉదయం కమాన్​పూర్​ మండలం గుండారంలో వ్యవసాయ క్షేత్రాల్లో పులి పాదముద్రలు కనిపించాయి.

గత 20 రోజులుగా ముత్తారం, మంథని, రామగిరి, కమాన్​పూర్​, కాల్వ శ్రీరాంపూర్ మండలంలోని అడవుల్లో సంచరిస్తూ అనువైన ఆవాసం కోసం వెతుకుతోందని అటవీశాఖ అధికారులు చెబుతున్నారు. పులిని గుర్తించేందుకు అడవిలో కెమెరాలు ఏర్పాటు చేశారు.

ఈనెల ఏడున మంథని మండలం మర్చి పేట సమీపంలోని ఓ పశువుల మందపై దాడిచేసి ఐదు పశువులను గాయపరిచి, ఒక దాన్ని చంపి తినేసిన ఘటన మరవక ముందే ఇతర గ్రామాల్లో సంచారం కలవరపెడుతోంది.

ఇదీ చూడండి:రాష్ట్రంలో తాజాగా 2,058 మందికి కరోనా