రోటా వైరస్ వ్యాక్సిన్తో చిన్నారుల్లో డయేరియాను అరికట్టవచ్చని పెద్దపల్లి జిల్లా వైద్యాధికారి ప్రమోద్ కుమార్ అన్నారు. పెద్దపల్లి జిల్లా మంథని మండల పరిషత్ సమావేశ మందిరంలో మంథని, ముత్తారం, రామగిరి మండలాల వైద్య సిబ్బందికి రోటావైరస్ వాక్సిన్ పనితీరుపై శిక్షణ ఇచ్చారు. సెప్టెంబర్ 5న వ్యాక్సిన్ను అందుబాటులోకి తీసుకొస్తామన్నారు. 6వారాలు, 10వారాలు, 14వారాల్లో మూడు డోసులుగా ఇవ్వడం ద్వారా డయేరియా భారినపడకుండా ఉంటారని తెలిపారు. ఇప్పటికే ఇమ్యునైజేషన్ ద్వారా వివిధ టీకాలు, వ్యాక్సిన్లు ఇస్తున్నట్లు చెప్పారు. 2.5 మిల్లీ లీటర్ల చొప్పున నోటి పక్క భాగంలో వేయాలని... మొదటి రోజు ఏమైనా రియాక్షన్ కనిపిస్తే తదుపరి డోస్ వేయకూడదని సూచించారు.
'చిన్నారుల్లో డయేరియా అరికట్టేందుకు రోటా వైరస్ వ్యాక్సిన్'