ప్రతి మహిళ ఆర్థిక స్వాతంత్య్రం పొందాలి: కోరుకంటి

నియోజకవర్గంలోని మహిళలకు స్వయం ఉపాధి కల్పనే విజయమ్మ ఫౌండేషన్​ లక్ష్యమని రామగుండం ఎమ్మెల్యే కోరుకంటి చందర్​ అన్నారు. ఈ మేరకు పెద్దపల్లి జిల్లా గోదావరిఖనిలో మహిళా సాధికారిత కేంద్రాన్ని ఆయన ప్రారంభించారు.

నియోజకవర్గంలోని మహిళలకు స్వయం ఉపాధి కల్పనే విజయమ్మ ఫౌండేషన్ లక్ష్యమని పెద్దపల్లి జిల్లా రామగుండం ఎమ్మెల్యే కోరుకంటి చందర్ అన్నారు. రామగుండం నగరపాలక 6వ డివిజన్​లో ఫౌండేషన్ ఆధ్వర్యంలో మహిళా సాధికారిత సెంటర్​ను ఎమ్మెల్యే ప్రారంభించారు.

ఆడపడుచుల కళ్లల్లో ఆనందం నింపాలనే సంకల్పంతో కార్పొరేషన్​లోని యాభై డివిజన్లలో ఈ కేంద్రాలను ఏర్పాటు చేసినట్లు ఎమ్మెల్యే వెల్లడించారు. ప్రతి మహిళ ఆర్థిక స్వాతంత్య్రం పొందినట్లయితే ఆ కుటుంబం క్షేమంగా ఉంటుందని అన్నారు. శిక్షణ పూర్తి చేసుకున్న మహిళలకు ధ్రువీకరణ పత్రాలతో పాటు ఉచితంగా కుట్టుమిషన్లను విజయమ్మ ఫౌండేషన్ ద్వారా అందిస్తామని తెలిపారు. ఈ కార్యక్రమంలో నగర మేయర్ డాక్టర్ బంగీ అనిల్ కుమార్, డిప్యూటీ మేయర్ నడిపెల్లి అభిషేక్ రావు తదితరులు పాల్గొన్నారు.

ఇదీ చదవండి:కొలువుల పేరుతో యువతకు వల