'రైతులకు రాజకీయ రంగు పులమకండి'

రైతులకు రాజకీయ రంగు పులమవద్దని మంథని ఎమ్మెల్యే శ్రీధర్ బాబు అన్నారు. పెద్దపల్లి జిల్లా మంథని శ్రీపాదకాలనీలోని ధాన్యం కొనుగోలు కేంద్రాన్ని సందర్శించారు.

పెద్దపల్లి జిల్లా మంథని శ్రీపాదకాలనీలోని ధాన్యం కొనుగోలు కేంద్రాన్ని ఎమ్మెల్యే శ్రీధర్​ బాబు పరిశీలించారు. తాలు పేరుతో నిర్వాహకులు 40 కిలోల బస్తా నుంచి కిలో నుంచి రెండు కిలోల వరకూ ధాన్యం తీసివేస్తున్నారని రైతులు ఎమ్మెల్యేకు విన్నవించారు.

స్పందించిన శ్రీధర్ బాబు అధికారులను నిలదీశారు. వెంటనే కలెక్టర్​ సిక్తా పట్నాయక్​కు ఫోన్​ చేసి చర్యలు తీసుకోవాలని ఆదేశించారు. రైతులకు రాజకీయ రంగు పులమకుండా, అధికారులు తమ విధులు సక్రమంగా నిర్వహించాలని సూచించారు.