ఐసోలేషన్ కేంద్రాన్ని పరిశీలించిన ఎమ్మెల్యే

పెద్దపెల్లి జిల్లా మంథనిలో ఎమ్మెల్యే శ్రీధర్ బాబు పర్యటించారు. స్థానిక ఐసోలేషన్ కేంద్రాన్ని పరిశీలించి.. బాధితులకు అందిస్తోన్న వైద్య సేవల గురించి.. అధికారులను అడిగి తెలుసుకున్నారు.

కేంద్ర, రాష్ట్ర ప్రభుత్వాలు వెంటనే వ్యాక్సిన్​ను అందుబాటులోకి తీసుకురావాలని ఎమ్మెల్యే శ్రీధర్ బాబు కోరారు. పెద్దపెల్లి జిల్లా మంథని ఐసోలేషన్ కేంద్రాన్ని పరిశీలించి.. బాధితులకు అందిస్తోన్న వైద్య సేవల గురించి అధికారులతో చర్చించారు.

కేంద్రంలోని గదులను ఎప్పటికప్పుడు శానిటైజ్​ చేయాలని.. సిబ్బందిని ఆదేశించారు ఎమ్మెల్యే. క్వారంటైన్​లో ఉన్న వారికి మూడు పూటలు పౌష్టికాహారాన్న అందిస్తున్నట్లు వివరించారు. కొవిడ్ రెండో దశ విజృంభిస్తోన్న దృష్ట్యా.. ప్రజలంతా అప్రమత్తంగా ఉండాలని కోరారు. అత్యవసరమైతే తప్ప ఎవరూ బయటికి రావొద్దని విజ్ఞప్తి చేశారు.

ఇదీ చదవండి:కరోనా పరీక్షల కోసం బారులు తీరిన జనాలు