నాయకులు మంచిగా ఉంటే ఊరు బాగుంటుంది: మంత్రి కొప్పుల

నాయకులు మంచిగా ఉంటే ఊరు బాగుంటుందని రాష్ట్ర సంక్షేమ శాఖ మంత్రి కొప్పుల ఈశ్వర్​ అన్నారు. పెద్దపల్లి జిల్లా మంథని పట్టణంలో తడి, పొడి చెత్త సేకరణకు వీలుగా ఏర్పాటు చేసిన స్వచ్ఛ ట్రాలీ ఆటోలను ఎంపీ వెంకటేశ్​తో కలిసి ప్రారంభించారు.

నాయకులు మంచిగా ఉంటే ఊరు బాగుంటుందని మంత్రి కొప్పుల ఈశ్వర్​ అన్నారు. పరిశుభ్రంగా ఉన్న పట్టణాలు, గ్రామాలు అభివృద్ధి చేసేందుకు ముఖ్యమంత్రి కేసీఆర్​ కృషిచేస్తున్నారని తెలిపారు. రాష్ట్ర ప్రభుత్వం నుంచి నేరుగా స్థానిక సంస్థలకు నిధులు కేటాయించడం ఒక్క తెలంగాణలో జరుగుతోందని కొప్పుల పేర్కొన్నారు.

పెద్దపల్లి జిల్లా మంథని పట్టణాన్ని ప్రగతి పథంలో నడిపేందుకు మున్సిపాలిటీ ఛైర్​పర్సన్​ పుట్ట శైలజ, పెద్దపల్లి జిల్లా పరిషత్​ ఛైర్మన్ పుట్ట ముధు కృషిచేస్తున్నారని కొనియాడారు. రూ.123 కోట్ల డీఎంఎఫ్​టీ నిధులను మంథని నియోజకవర్గానికి తెచ్చిన ఘనత పుట్ట మధుకే దక్కుతుందని మంత్రి అన్నారు.

మంథని పట్టణంలో తడి, పొడి చెత్త సేకరణకు ఏర్పాటుచేసిన స్వచ్ఛ ట్రాలీ ఆటోలను మంత్రి కొప్పుల, పెద్దపల్లి ఎంపీ వెంకటేశ్​​ ప్రారంభించారు. ప్రజలకు తడి, పొడి చెత్త వేసేందుకు ప్లాస్టిక్​ బుట్టలను పంపిణీ చేశారు.

ఇవీచూడండి:దొంగతనం చేసి కల్లు తాగారు... వింత చేష్టలతో ఆస్పత్రి పాలయ్యారు