"మేము ఇక్కడికి చావడానికి రాలేదు"

పెద్దపల్లి జిల్లా కాట్నపల్లిలోని ఏఆర్​బీ ఇటుక బట్టీలో పనిచేసే కార్మికుడిపై యజమాని దాడిని నిరసిస్తూ కూలీలు ఆందోళన చేపట్టారు. ఒడిశా నుంచి ఇక్కడికి చావడానికి రాలేదని.. పొట్టకూటి కోసం పనిచేసుకోవడానికి వచ్చామని ఆవేదన చెందారు. తమకు న్యాయం చేయాలని కలెక్టరేట్​ వద్ద నిరసనకు దిగారు.

పెద్దపల్లి జిల్లా సుల్తానాబాద్​ మండలం కాట్నపల్లిలోని ఏఆర్​బీ ఇటుక బట్టీలో పనిచేసే సురాన్​ అనే కూలీ ఒంట్లో బాగాలేక పోవడం వల్ల ఈరోజు పనికి వెళ్లలేదు. ఆగ్రహానికి గురైన యజమాని అవినాష్​ సురాన్​పై విచక్షణారహితంగా దాడికి పాల్పడ్డాడు. సొమ్మసిల్లి కిందపడ్డ అతన్ని ఆస్పత్రిలో చేర్పించారు. బట్టీ యజమానిపై చట్టపరమైన చర్యలు తీసుకోవాలని కూలీలంతా పెద్దపల్లి కలెక్టరేట్​ వద్ద ఆందోళనకు దిగారు. అవినాష్​ తమపైన దాడికి పాల్పడడం ఇది మొదటి సారి కాదని ఇప్పటికే అతని చేతిలో ఇద్దరు కూలీలు మృతిచెందారని ఆరోపించారు. తాము ఒడిశా నుంచి ఇక్కడకు చావడానికి రాలేదని.. పొట్టకూటికోసం పనిచేసుకోవడానికి వచ్చామన్నారు. న్యాయం చేయాలని డిమాండ్ చేశారు.

ఇదీ చూడండి : ఐపీఎల్​ తొలి సీజన్​లో ధోని ధరెంతంటే..?