Gallipally Srisailam: తెలంగాణ విశ్వవిద్యాలయం మాస్ కమ్యూనికేషన్ విభాగం పరిశోధక విద్యార్థి గాలిపల్లి శ్రీశైలం పీహెచ్డీ పట్టా పొందారు. 'సంక్షోభ నిర్వహణలో ప్రజా సంబంధాల పాత్ర- ప్రభుత్వ సంస్థలపై ఒక అధ్యయనం' అంశంపై సిద్ధాంత గ్రంథం రూపొందించారు. శుక్రవారం నిర్వహించిన వైవాలో ఎక్స్టర్నల్ ఎగ్జామినర్గా విశ్రాంత ప్రొ.సుధీర్కుమార్, రిజిస్ట్రార్ ప్రొ.శివశంకర్, మాస్ కమ్యూనికేషన్ విభాగాధిపతి డాక్టర్ చంద్ర శేఖర్, అసిస్టెంట్ ప్రొఫెసర్ డాక్టర్ రాజారాం పాల్గొన్నారు.
పెద్దపల్లి జిల్లా పాలకుర్తి మండలం ఏశాల తక్కలపల్లి గ్రామానికి చెందిన గాలిపల్లి దుర్గయ్య, లక్ష్మి దంపతుల కుమారుడు శ్రీశైలం. ఇంటర్ వరకు జిల్లాలో విద్యాబ్యాసం పూర్తి చేశారు. డిగ్రీ హైదరాబాద్లో చదివారు. జర్నలిజంపై ఆసక్తితో తెలంగాణ యూనివర్సిటీలో 2011లో పీజీ చేశారు. అనంతరం డెక్కన్ క్రానికల్లో ట్రైనీ సబ్ ఎడిటర్గా పని చేశారు. తర్వాత పలు ప్రైవేట్ సంస్థల్లో కార్పొరేట్ రిలేషన్ ఆఫీసర్, పబ్లిక్ రిలేషన్ ఆఫీసర్గా విధులు నిర్వర్తించారు.
పీహెచ్డీ చేయాలనే లక్ష్యంతో తెలంగాణ యూనివర్సిటీలో నిర్వహించిన ప్రవేశ పరీక్షలో ఉత్తీర్ణులై సీటు సాధించారు. పరిశోధక విద్యార్థిగా పలు రిసెర్చ్ పేపర్లు రాశారు. దేశంలోని పలు విశ్వవిద్యాలయాల్లో నిర్వహించిన నేషనల్ సెమినార్లలో పరిశోధన అంశాలపై పేపర్ ప్రజెంటేషన్ చేశారు. పరిశోధక విద్యార్థిగా సామాజిక ఉద్యమాల్లోనూ పాల్గొన్నారు. 2015లో జాతీయ స్థాయిలో ఆర్జేఎన్ఎఫ్ ఫెల్లోషిప్కు ఎంపికయ్యారు.
ప్రజెంటేషన్ ఇస్తున్న శ్రీశైలం జర్నలిజంలో పీహెచ్డీ పూర్తి చేసుకున్న శ్రీశైలంను వర్సిటీ ప్రొఫెసర్లు అభినందించారు. తమ కుమారుడికి డాక్టరేట్ రావడం పల్ల తల్లిదండ్రులు గాలిపల్లి దుర్గయ్య, లక్ష్మి ఆనందం వ్యక్తం చేశారు. తనను గైడ్ చేసిన మెంటర్ డా.రాజారాంకు శ్రీశైలం ప్రత్యేక కృతజ్ఞతలు తెలిపారు. డాక్టరేట్ రావడం ఆనందంగా ఉందని చెప్పారు. డా బీఆర్ అంబేడ్కర్ రాసిన రాజ్యాంగం వల్లే తాను పీహెచ్డీ చేయగలిగాని తెలిపారు. అంబేడ్కర్ స్ఫూర్తిగా ముందుకు వెళ్తానని పేర్కొన్నారు. విద్యార్థి ఉద్యమాల్లో పాల్గొంటానని చెప్పారు. శ్రీశైలంకు డాక్టరేట్ రావడం పట్ల ఆయన అక్క స్నేహ, అన్నయ్య వెంకటేశ్, గ్రామస్థులు హర్షం వ్యక్తం చేశారు.
ఇవీ చదవండి :
