చేపల కోసం చెరువులో నీటిని వదిలేస్తున్నారని రైతుల ఆవేదన

పెద్దపల్లి జిల్లా మంథని మున్సిపల్ పరిధి అయ్యగారి చెరువులో చేపలు పట్టుకునేందుకు నీటిని వదిలేస్తున్నారు. ఈ చెరువు ఆయకట్టు కింద సుమారు 50 ఎకరాల్లో వరి పంట సాగు జరుగుతుందని... నీళ్లు లేకపోతే పంట ఎండిపోతుందని రైతులు ఆవేదన వ్యక్తం చేస్తున్నారు.

యాసంగిలో పంటకు నీళ్లు లేక ఇబ్బంది పడుతున్నామని... చెరువులో ఉన్న నీటిని చేపలు పట్టుకునేందుకు వదిలేస్తున్నారని రైతులు వాపోతున్నారు. పెద్దపల్లి జిల్లా మంథని మున్సిపల్​ పరిధి అయ్యగారి చెరువులో చేపల కోసం నీటిని వదిలిపెట్టేస్తున్నారని ఆయకట్టు రైతులు ఆవేదన వ్యక్తం చేస్తున్నారు.

ఈ చెరువు నీళ్లతోనే చిన్న సన్నాకారు రైతులు... రెండు పంటలు సాగుచేస్తున్నారని... ఈ ఏడాది చెరువు నిండుగా ఉండడం వల్ల వర్షాకాల పంటకు ఏర్పాటు చేసుకుంటుండగా నీళ్లు వదిలేస్తున్నారని తెలిపారు. నిబంధనల ప్రకారం చెరువులో చేపలు పెంచిన వారు నీళ్లు తగ్గిపోయిన తర్వాత పట్టుకోవాలి కానీ ఇలా చేయడం తగదని పేర్కొన్నారు. అనేక సంవత్సరాలుగా ఈ చెరువులో చేపలు పెంచి పట్టుకోవడం ఆనవాయితీగా వస్తున్నా ఈసారి మాత్రం చెరువు ఖాళీ చేసే విషయం వివాదస్పందంగా మారింది. మరోవైపు నీటిని వదిలే అధికారం ఎవరికీ లేదని నీటిపారుదల శాఖ అధికారులు తెలిపారు.

ఇదీ చూడండి:అధిక ధరలకు రెమ్​డెసివిర్ విక్రయం.. ముఠా అరెస్ట్​​..!