పెద్దపల్లి జిల్లా గోదావరిఖనిలో తెలంగాణ మహిళా మిత్ర స్వచ్ఛంద సేవా సంస్థ ఆధ్వర్యంలో ఎస్ఆర్ఆర్ పారిశ్రామిక మహిళా కార్మికులకు కూరగాయలు పంపిణీ చేశారు. మహిళా కార్మికులకు వారానికి సరిపడా కూరగాయలను మహిళా మిత్ర అధ్యక్షురాలు గోలివాడ చంద్రకళ బెస్త అందించారు. ఆలు గడ్డ, వంకాయ, ఉల్లిగడ్డ, మిర్చి, బెండకాయ, టమాట, సొరకాయ, దొండకాయ తదితరాలను సమకూర్చారు.
అందుకు స్త్రీలే కృషి చేయాలి..
ప్రతి ఒక్కరూ భౌతిక దూరం తప్పనిసరిగా పాటించాలని చంద్రకళ బెస్త సూచించారు. ప్రతి ఇంట్లో అందరూ అప్రమత్తంగా ఉండాలని... ఇందుకు స్త్రీలే కృషి చేయాలని ఆమె కోరారు. కార్యక్రమానికి సహకారం అందించిన విజయలక్ష్మి, క్రాంతి, జమున, సురేష్ , లలితను సంస్థ అధ్యక్షురాలు చంద్రకళ అభినందించారు. అనంతరం మహిళా కార్మికులు, తెలంగాణ మహిళా మిత్ర స్వచ్ఛంద సేవా సంస్థకు కృతజ్ఞతలు తెలియజేశారు.