'ప్రతి ఒక్కరికీ కరోనా పరీక్షలు నిర్వహించాలి'

ప్రతి ఒక్కరికీ కరోనా పరీక్షలు నిర్వహించాలని డిమాండ్​ చేస్తూ పెద్దపల్లి జిల్లా కలెక్టరేట్​ ఎదుట సీపీఎం నేతలు ధర్నా నిర్వహించారు. లాక్​డౌన్​ నేపథ్యంలో భారీగా వచ్చిన విద్యుత్​ బిల్లుల్ని వెంటనే ప్రభుత్వం ఉపసంహరించుకోవాలంటూ విజ్ఞప్తి చేశారు.

కరోనా వ్యాప్తి నియంత్రణలో తెరాస ప్రభుత్వం విఫలమైందని పెద్దపల్లి కలెక్టరేట్ ఎదుట సీపీఎం నేతలు ఆందోళన నిర్వహించారు. ఈ సందర్భంగా రాష్ట్ర ప్రభుత్వానికి వ్యతిరేకంగా నినాదాలు చేస్తూ ధర్నా చేపట్టారు.

రాష్ట్రంలో రోజురోజుకు కరోనా కేసులు పెరుగుతున్న నేపథ్యంలో ప్రతి ఒక్కరికి ఈ వైద్య పరీక్షలు నిర్వహించాలని డిమాండ్ చేశారు. అలాగే లాక్​డౌన్ నేపథ్యంలో భారీగా వచ్చిన విద్యుత్ బిల్లులతో సామాన్య ప్రజలు ఇబ్బంది పడుతున్నారని అన్నారు. వెంటనే బిల్లుల్ని ప్రభుత్వం ఉపసంహరించుకోవాలని డిమాండ్ చేశారు.

ఇవీ చూడండి:రాష్ట్రంలో ఐదు వేలకు చేరువలో కరోనా కేసులు