ఆ ఆర్డీవోకు కరోనా.. అప్రమత్తమైన సిబ్బంది

పెద్దపల్లి జిల్లా రెవెన్యూ కార్యాలయంలో కరోనా కలకలం సృష్టిస్తోంది. ఆర్డీవో అధికారికి వైరస్​ పాజిటివ్​ నిర్ధరణ అయ్యిందని విన్న సిబ్బందంతా అప్రమత్తమయ్యారు.

పెద్దపల్లి ఆర్డీవోకు కరోనా పాజిటివ్​ నిర్ధారణ అయినట్లు జిల్లా వైద్యాధికారులు వెల్లడించారు. ఆర్డీవోకు వైరస్​ సోకడం వల్ల పెద్దపల్లి రెవెన్యూ డివిజన్ కార్యాలయం ఉలిక్కిపడింది.

దీంతో కార్యాలయానికి రావాల్సిన సిబ్బంది, అధికారులు ఎవరూ విధులకు హాజరుకాలేదు. కార్యాలయ పరిసరాలను అధికారులు శానిటైజ్​ చేస్తున్నారు. వైద్య అధికారులు ఆర్టీవో కుటుంబ సభ్యులకు వైద్య పరీక్షలు నిర్వహించారు.

ఇవీచూడండి:నూతన సచివాలయ నిర్మాణం తప్పుకాదు: హైకోర్టు