వామన్​రావు దంపతులకు వ్యతిరేకంగా ఆందోళన

హత్యకు గురైన గట్టు వామన్​రావు దంపతులకు వ్యతిరేకంగా గుంజపడుగులో కొంత మంది ఆందోళన నిర్వహించారు. గ్రామంలో వామన్​రావు అభివృద్ధి పనులను అడ్డుకున్నారని ఆరోపిస్తూ.. హత్యలో నిందితుడైన కుంట శ్రీనుకు అనుకూలంగా నినాదాలు చేశారు.

హత్యకు గురైన గట్టు వామన్​రావు దంపతులకు వ్యతిరేకంగా పెద్దపల్లి జిల్లా మంథని మండలం గుంజపడుగులో కొంత మంది ఆందోళన నిర్వహించారు. వామన్​రావుకు వ్యతిరేకంగా... హత్యలో నిందితుడైన కుంట శ్రీనుకు అనుకూలంగా నిరసనకారులు నినాదాలు చేశారు.

గుంజపడుగులో దేవాలయం, బడి, గ్రామ పంచాయతీ నిర్మాణానికి వామన్​రావు దంపతులు అడ్డుపడ్డారని ఆరోపించారు. ఊరికి సాయం చేయకుండా అభివృద్ధిని అడ్డుకున్నారన్నారు. అంతకుముందు హైదరాబాద్ నుంచి 200 మంది న్యాయవాదులు వామన్​రావు కుటుంబాన్ని పరామర్శించి వెళ్లారు. వారు వెళ్లిన తరువాత కొద్దిసేపటికే కొందరు ఆందోళన నిర్వహించడం చర్చనీయాంశమయింది. ఆందోళన చేస్తున్న వారిని పోలీసులు చెదరగొట్టారు.

ఇదీ చూడండి:వ్యక్తిపై కత్తిలో దాడికి దిగిన తండ్రి కొడుకులు