పెద్దపల్లి జిల్లాలో ముఖ్యమంత్రి కేసీఆర్ జన్మదిన వేడుకలను ఘనంగా నిర్వహించారు. రామగుండం బొగ్గుగని అర్జీ-1 ఏరియాలోని జీడీకే నంబరు 2 ఇంక్లైన్లో ఎమ్మెల్యే కోరుకంటి చందర్.. తెలంగాణ బొగ్గు గని కార్మిక సంఘం అధ్యక్షుడు వెంకట్రావు, ప్రధాన కార్యదర్శి రాజిరెడ్డిలతో కలిసి 65 కిలోల కేక్ కట్ చేశారు. అనంతరం గని ఆవరణలో మొక్కలు నాటారు.
గోదావరిఖనిలోని గోదావరి సమీపంలో టీబీజీకేఎస్ నాయకుడు వెంకటేష్ ఆధ్వర్యంలో కేసీఆర్ పుట్టినరోజు వేడుకలను నిర్వహించారు. గోదావరినది సమీపంలో శివునికి అభిషేకం చేసి ప్రత్యేక పూజలు నిర్వహించారు. అనంతరం గోదారమ్మకు హారతిచ్చి, సీఎం చిత్రపటానికి కాళేశ్వరం జలాలతో అభిషేకం చేశారు. కేక్ కట్ చేసి మిఠాయిలు పంపిణీ చేశారు.