జడ్పీ ఛైర్మన్​ జన్మదినం సందర్భంగా రక్తదాన శిబిరం

పెద్దపల్లి జిల్లా మంథని బాలుర జూనియర్ కళాశాల మైదానంలో ఈరోజు మెగా రక్తదాన శిబిరాన్ని పుట్ట లింగమ్మ చారిటబుల్​ ట్రస్ట్ ఆధ్వర్యంలో నిర్వహించారు. వివిధ మండలాల నుంచి దాదాపు 280 మంది దాతలు వచ్చి రక్తదానం చేశారు.

పెద్దపల్లి జిల్లా పరిషత్ ఛైర్మన్ పుట్ట మధుకర్ జన్మదినం సందర్భంగా పుట్ట లింగమ్మ చారిటబుల్ ట్రస్ట్ ఆధ్వర్యంలో పెద్దపల్లిలో రక్తదాన కార్యక్రమాన్ని నిర్వహించారు. లాక్‌డౌన్‌ కాలంలో రక్త నిల్వలు తగ్గిపోవడం వల్లే ఈ శిబిరాన్ని ఏర్పాటు చేసినట్లు నిర్వాహకులు తెలిపారు.

మంథని డివిజన్​లోని రామగిరి, ముత్తారం, మంథని ,కమాన్పూర్ మండలం నుంచి దాదాపు 280 మంది దాతలు వచ్చి రక్తదానం చేశారు. అనంతరం వారికి పెద్దపల్లి రెడ్ క్రాస్ సొసైటీ వారు రక్తదాన పత్రాన్ని అందజేశారు.