తెలంగాణ జాగృతి ఆధ్వర్యంలో భోగి వేడుకలు

రాష్ట్రంలో భోగి వేడుకలను ప్రజలు ఘనంగా నిర్వహిస్తున్నారు. పెద్దపల్లి జిల్లా గోదావరిఖనిలో తెలంగాణ జాగృతి ఆధ్వర్యంలో భోగి వేడుకలు జరిగాయి. ఈ కార్యక్రమంలో రామగుండం మేయర్ అనిల్ కుమార్ పాల్గొన్నారు.

పెద్దపల్లి జిల్లా గోదావరిఖనిలోని ప్రధాన చౌరస్తాలో తెలంగాణ జాగృతి ఆధ్వర్యంలో భోగి వేడుకలు ఘనంగా జరిగాయి. ఈ మేరకు రామగుండం మేయర్ అనిల్ కుమార్, తెలంగాణ జాగృతి జిల్లా అధికార ప్రతినిధి అందే సదానందం పాల్గొని వేడుకలను ప్రారంభించారు.

తెలంగాణ జాగృతి నాయకులతో పాటుగా యువకులు పాల్గొని భోగి మంటలు వేసి ఉత్సాహంగా వేడుకలను నిర్వహించారు. ఈ కార్యక్రమంలో గంగిరెద్దుల విన్యాసాలు పలువురిని ఆకట్టుకున్నాయి. రామగుండం పట్టణ పరిధిలోని అంతర్గం, బసంత్ నగర్ ప్రాంతాల ప్రజలు భోగి సంబరాలను జరుపుకున్నారు. కార్యక్రమంలో జాగృతి నాయకులు తోకల రమేశ్, నిట్టూరు రాజు, ప్రతాప్, శ్రీనివాస్, విశ్వవాణి తదితరులు పాల్గొన్నారు.

ఇదీ చదవండి:ప్లేస్టోర్​ నుంచి రుణయాప్​లు తొలగించాలి.. కేంద్రానికి సైబర్​క్రైం లేఖ