విద్యుదాఘాతంతో ఇటుకల బట్టి కార్మికుడు మృతి

విద్యుదాఘాతంతో ఇటుకల బట్టీలో పనిచేసే కార్మికుడు మృతి చెందాడు. ఈ ఘటన పెద్దపల్లి జిల్లా మంథనిలో చోటుచేసుకుంది.

పెద్దపల్లి జిల్లా మంథని మున్సిపాలిటీ పరిధిలోని గంగాపురి ఇటుకల బట్టిలో కొంతమంది ఒడిస్సా కార్మికులు పనిచేస్తున్నారు. రోజులాగే ఇటుకలను లోడ్​ చేయడం కోసం లారీపై ఎక్కిన శంకర్​బాగ్ అనే ఒరిస్సా కార్మికుడు విద్యుదాఘాతంతో మరణించాడు. లారీపై భాగంలో ఉన్న విద్యుత్​ తీగలు తలకు తగిలి విద్యుత్ షాక్​కి గురై అతను కింద పడిపోయాడు.

గమనించిన తోటి కార్మికులు వెంటనే అతన్ని మంథని ప్రభుత్వ ఆసుపత్రికి తరలించారు. చికిత్స పొందుతూ క్షతగాత్రుడు మృతి చెందాడు. బట్టి యజమాని ఎటువంటి రక్షణ చర్యలు తీసుకోవడం లేదని కార్మికులు ఆవేదన వ్యక్తం చేశారు. ఓ వైపు ప్రభుత్వం కరోనా నేపథ్యంలో లాక్​డౌన్​ ప్రకటించినా తమకు సెలవు ఇవ్వకుండా పనిచేయించుకుంటున్నారని వారు వాపోయారు.

ఇదీ చూడండి:మా ఊరికి మీరు రావొద్దు... మీ ఊరికి మేమురాము