'గద్దె మీద కూర్చున్నందుకు పోలీసులు కొట్టారు'

తన ఇంటి సమీపంలో గల గద్దె మీద కూర్చున్నందుకు పోలీసులు కొట్టారని ఓ యువకుడు ఆరోపించిన ఘటన పెద్దపల్లి జిల్లా మంథనిలో జరిగింది. యువకుడు తాగిన మైకంలో పోలీసులతో దురుసుగా ప్రవర్తించాడని సీఐ మహేందర్​ తెలిపారు.

పెద్దపెల్లి జిల్లా మంథనిలోని పోచమ్మవాడకు చెందిన ఉప్పల శ్రీనివాస్ తనను పోలీసులు కొట్టారని ఆరోపించారు. రాత్రి సమయంలో తన ఇంటి సమీపంలోని గద్దె మీద కూర్చున్నప్పుడు పోలీసులు దూషిస్తూ పోలీస్​ స్టేషన్​కు తీసుకెళ్లి కొట్టారని చెప్పారు. ఏ పార్టీకి చెందిన వాడివి అంటూ, ఫోన్​లో ఎవరితో మాట్లాడుతున్నావు అంటూ బెదిరిస్తూ ఆకారణంగా బూతులు తిట్టారని వాపోయారు.

ఆరోపణలపై స్పందించిన సీఐ యువకుడు తాగిన మైకంలో పోలీసులతో దురుసుగా ప్రవర్తించాడని చెప్పారు. శ్రీనివాస్​ను స్టేషన్​కు తీసుకొచ్చి వారి స్నేహితుల పూచీకత్తుపై వదిలి పెట్టామన్నారు. ఈ ఘటనపై విచారణ చేస్తామని చెప్పారు.

ఇవీ చూడండి: జాతి వైరం మరిచే... స్నేహానికి నిదర్శనంగా నిలిచే!