ఘనంగా మహిళా దినోత్సవ వేడుకలు

నిజామాబాద్​ జిల్లా కేంద్రంలో అంతర్జాతీయ మహిళా దినోత్సవ వేడుకలు ఘనంగా జరిగాయి. నగరంలోని ఓ ఆడిటోరియం, టీఎన్జీవోస్​ కార్యాలయాల్లో నిర్వహించిన వేడుకల్లో కలెక్టర్​, అదనపు కలెక్టర్​లు పాల్గొన్నారు. ఆటపాటలతో కాసేపు సరదాగా గడిపారు.

నిజామాబాద్ జిల్లా కేంద్రంలో అంతర్జాతీయ మహిళా దినోత్సవాన్ని ఘనంగా నిర్వహించారు. నగరంలోని రాజీవ్ గాంధీ ఆడిటోరియంలో నిర్వహించిన వేడుకలకు జిల్లా కలెక్టర్ నారాయణరెడ్డి, మున్సిపల్ కమిషనర్ జితేశ్​ పాటిల్, మేయర్ నీతూ కిరణ్, ఇతర మహిళా ఉద్యోగులు, సిబ్బంది హాజరయ్యారు. ఈ సందర్భంగా నిర్వహించిన సాంస్కృతిక కార్యక్రమాలు ఆకట్టుకున్నాయి.

మరోవైపు టీఎన్జీవోస్ కార్యాలయంలో నిర్వహించిన వేడుకలకు అదనపు కలెక్టర్ బి.ఎస్.లత, ప్రభుత్వ వైద్య కళాశాల ప్రిన్సిపల్ ఇందిర పాల్గొన్నారు. ఈ సందర్భంగా అదనపు కలెక్టర్ లత మహిళలపై పాట పాడి అక్కడి వారిని ఉత్సాహపరిచారు.