నీటి పంపిణీ లైన్లను త్వరగా పూర్తి చేయాలి: నారాయణరెడ్డి

నిజామాబాద్​ జిల్లా కేంద్రంలో నూతనంగా నిర్మించిన భూగర్భ మురుగునీటి శుద్ధి కేంద్రాన్ని జిల్లా కలెక్టర్​ నారాయణరెడ్డి సందర్శించారు.

నిజామాబాద్ నగరంలోని దుబ్బ ప్రాంతంలో నూతనంగా నిర్మించిన భూగర్భ మురుగునీటి శుద్ధి కేంద్రం (సీవరేజ్​ ట్రీట్మెంట్​ ప్లాంట్)ను​ జిల్లా పాలనాధికారి నారాయణ రెడ్డి, మున్సిపల్ కమిషనర్ జితేశ్​.వి.పాటిల్ సందర్శించారు. మున్సిపల్ ఇంజినీర్, పబ్లిక్ హెల్త్ ఇంజినీర్​లను అడిగి పలు వివరాలు తెలుసుకున్నారు.

నీటి పంపిణీ లైన్లను త్వరగా పూర్తి చేయాలని కలెక్టర్​ అధికారులను ఆదేశించారు. వేసవిని దృష్టిలో ఉంచుకుని ప్రజలకు తాగునీటి ఇబ్బందులు లేకుండా ఇప్పటి నుంచే ప్రణాళికాబద్ధంగా మంచినీటి సరఫరాకు చర్యలు తీసుకోవాలని సూచించారు.

ఇదీ చూడండి:-నిరసనలు ఆకస్మికం కాదు.. విపక్షాల ప్రయోగం: మోదీ