కల్వర్టును ఢీకొని లారీ బోల్తా... ఒకరు మృతి

గుర్తు తెలియని వాహనం అడ్డువచ్చి లారీ అదుపు తప్పింది. కల్వర్టును ఢీ కొట్టి బోల్తాపడింది. ఈ ఘటనలో ఒకరు మృతి చెందగా మరొకురు తీవ్ర గాయాలపాలయ్యారు.

నిజామాబాద్ జిల్లా డిచ్​పల్లి మండలంలోని సీఎంసీ మెడికల్ కాలేజీ వద్ద ప్రమాదం జరిగింది. ఎన్.హెచ్ 44 జాతీయ రహదారిపై నాగపూర్ వైపు వెళ్తున్న లారీకి గుర్తుతెలియని వాహనం అడ్డు వచ్చింది. దీంతో లారీ అదుపుతప్పి పక్కన ఉన్న కల్వర్టును ఢీకొట్టి బోల్తాపడింది. ఈ ఘటనలో డ్రైవర్ అక్కడికక్కడే మృతిచెందగా, క్లీనర్​కు తీవ్ర గాయాలయ్యాయి. అతనిని అంబులెన్స్​లో జిల్లా కేంద్రంలోని ప్రభుత్వ ఆస్పత్రికి తరలించారు. మృతుడి వివరాలు తెలియాల్సి ఉంది.