అదుపుతప్పిన కారు... ఇద్దరు మృతి

కారు అదుపుతప్పి రోడ్డు పక్కకు దూసుకెళ్లిన ఘటన నిజామాబాద్​ జిల్లా 44వ జాతీయ రహదారిపై చోటుచేసుకుంది. ఈ ప్రమాదంలో ఇద్దరు వ్యక్తులు అక్కడికక్కడే మృతి చెందారు.

నిజామాబాద్​ జిల్లా డిచ్​పల్లిలోని పోలీస్​ స్టేషన్​ వద్ద 44వ జాతీయ రహదారిపై ప్రమాదం జరిగింది. హైదరాబాద్​ నుంచి నిజామాబాద్​ వైపు వెళ్తోన్న స్విఫ్ట్​ కారు డిచ్​పల్లి వద్ద అదుపుతప్పి రోడ్డు పక్కకు దూసుకెళ్లింది. ఈ ఘటనలో రోడ్డుపై వెళ్తున్న మహిళతో పాటు కారులో ప్రయాణిస్తున్న వ్యక్తి అక్కడికక్కడే మృతి చెందారు. తీవ్రంగా గాయపడిన మరో వ్యక్తిని జిల్లా కేంద్రంలోని ప్రభుత్వాస్పత్రికి తరలించారు.

• ఇదీ చూడండి : మద్యం సీసాతో గొంతులో పొడిచి చంపేశారు..