ఒకే రోజు నలుగురు అదృశ్యం

నిజామాబాద్​ జిల్లా ఆంధ్రనగర్​ పరిధిలోని జోజీపేట కాలనీలో ఒకే రోజు నలుగురు కనపడకుండా పోయారు. మే నెల 14న సరోజిని అనే మహిళ కుటుంబ సభ్యులు అదృశ్యమయ్యారు. 15 రోజులుగా వారి ఆచూకీ లేకపోవడం వల్ల పోలీసులకు ఫిర్యాదు చేశారు.

నిజామాబాద్​ జిల్లా నందిపేట మండలం ఆంధ్రనగర్​లో ఒకేరోజు నలుగురు వ్యక్తులు అదృశ్యమయ్యారు. మే నెల 14న సరోజిని తమ్ముడు సుందర్.. ఉపాధి కోసం గల్ఫ్ వెళ్లాడు. అదే రోజు సుందర్ భార్య సౌమ్య ఫోన్​ రీఛార్జ్ చేసుకుంటానని చెప్పి.. సరోజిని కూతురు సుకన్యను తీసుకెళ్లింది. ఇలాగే సౌమ్య కుమారుడు కార్తిక్​.. అతని స్నేహితుడు అంకమ్మరావులు కూడా కనపడకుండా పోయారు. ఈ నలుగురు జోజీపేట నుంచి వెళ్లి 15 రోజులు అవుతున్నా ఆచూకీ లేదని సరోజిని పోలీసులకు ఫిర్యాదు చేశారు. కేసు నమోదు చేసి దర్యాప్తు చేస్తున్నట్లు ఎస్సై రాఘవేంద్ర తెలిపారు.

ఇవీ చూడండి:తెలంగాణలో బీర్లకు కరువొచ్చింది..