బోధన్​లో తోపులాట.. స్పృహ కోల్పోయిన కార్మికురాలు

బోధన్​లో ఆర్టీసీ కార్మికుల సమ్మె ఉద్రిక్తంగా మారింది. పోలీసులకు మహిళా కార్మికులకు మధ్య జరిగిన స్వల్ప తోపులాటలో ఒకరు స్పృహ కోల్పోయారు.

నిజామాబాద్ జిల్లా బోధన్​లో కొనసాగుతున్న ఆర్టీసీ కార్మికుల సమ్మె ఉద్రిక్తంగా మారింది. ఇవాళ తలపెట్టిన రాస్తారోకోలో పోలీసులకు, మహిళా కార్మికులకు మధ్య స్వల్ప తోపులాట జరిగింది. ఈ ఘటనలో కొందరి చేతులకు గాయాలయ్యాయి.

రైల్వే గేటు వద్ద నుంచి పోలీస్​ స్టేషన్ వరకు మహిళా కార్మికులు నడుచుకుంటూ వచ్చారు. అందులో ఒక కార్మికురాలు స్పృహ కోల్పోవడం వల్ల ఆస్పత్రికి తరలించారు.

ఇదీ చదవండిః ప్రభుత్వ లాంఛనాలతో ముగిసిన విజయారెడ్డి అంత్యక్రియలు