హోంవర్క్​ చేయలేదని విద్యార్థిని చితకబాదిన టీచర్

హోంవర్క్​ చేయలేదని ఉపాధ్యాయుడు ఓ విద్యార్థిని చితకబాదిన సంఘటన నిజామాబాద్​ జిల్లా పిప్రి గ్రామంలో చోటు చేసుకుంది.

నిజామాబాద్​ జిల్లా భీంగల్​ మండలం పిప్రి గ్రామానికి చెందిన పెండ సంజయ్​ అనే విద్యార్థి ఆర్మూర్​ సెయింట్​ పాల్​ పాఠశాలలో తొమ్మిదో తరగతి చదువుతున్నాడు.

స్టడీ అవర్​లో హోం వర్క్ చేస్తుండగా అక్షరం సరిగా రాయలేదని స్కూల్ సెక్రెటరీ బబ్లూ సంజయ్​ను చితక్కొట్టారు. వీపుపై కర్రతో కొట్టడం వల్ల విద్యార్థి తీవ్రంగా గాయపడ్డాడు.

దాడి చేసిన విషయం ఎవరికైనా చెబితే చంపేస్తానని బబ్లూ బెదిరంచగా.. సంజయ్​ నోరు తెరవలేదు. చేతులపై వాతలు చూసిన తల్లి విజయ సంజ్​ను ఆస్పత్రికి తీసుకెళ్లింది.

వైద్యుల పరీక్షలో సంజయ్​ను ఎవరో చితకబాదారన్న విషయం బయటపడింది. విద్యార్థి తల్లి పాఠశాలకు వచ్చి తన కుమారుణ్ని పశువును బాదినట్లు బాదారని యాజమాన్యాన్ని నిలదీసింది.

ఈ క్రమంలో పాఠశాల యాజమాన్యానికి, సంజయ్​ తల్లికి మధ్య వాగ్వాదం జరిగింది. అనంతరం విద్యార్థి తల్లి బబ్లూపై పోలీసులకు ఫిర్యాదు చేశారు.

• ఇదీ చూడండి : పైశాచిక ఆనందంలో యువత