'అనుమతి లేని నారాయణ స్కూలును రద్దు చేయాలి'

నిజామాబాద్​లో అనుమతి లేకుండా నారాయణ స్కూల్​ యాజమాన్యం అడ్మిషన్లు చేయిస్తున్నాయంటూ విద్యార్థి సంఘాలు ఆరోపించాయి. అనుమతి పొందని స్కూళ్లను రద్దు చేయాలంటూ డీఈవో కార్యలయం ఎదుట వారు ధర్నా నిర్వహించారు.

నారాయణ స్కూల్ విషయంలో జిల్లా విద్యాశాఖ అధికారుల నిర్లక్ష్యం వహిస్తున్నారంటూ విద్యార్థి సంఘాలు ఆందోళనకు దిగాయి. నిజామాబాద్​లోని డీఈవో కార్యాలయం ఎదుట ధర్నా చేపట్టాయి. అనుమతి లేకుండా జిల్లా కేంద్రంలో స్థానిక సెయింట్ తెరెసా హై స్కూల్ నిర్వాహకులు నారాయణ స్కూల్​ పేరుతో అడ్మిషన్లు ప్రారంభించారని మండిపడ్డారు.

ఆన్​లైన్​ తరగతులు నిర్వహిస్తూ విద్యార్థుల తల్లిదండ్రులను మభ్య పెడుతున్నారని ఆరోపించారు. ఇదంతా చూస్తూ కూడా విద్యాశాఖధికారులు నిమ్మకు నీరెత్తినట్లు వ్యవహరిస్తున్నారని మండిపడ్డారు. ఇకనైనా దీనిపై అధికారులు స్పందించి తగిన చర్యలు తీసుకోవాలంటూ డిమాండ్​ చేశారు.

ఇదీ చూడండి:'హరితహారం భావితరాలకు బంగారు బాట అవుతుంది'