నిజామాబాద్​లో ఘనంగా సద్దుల బతుకమ్మ వేడుకలు

నిజామాబాద్​ జిల్లా కేంద్రంలో సద్దుల బతుకమ్మ వేడుకలు ఘనంగా జరిగాయి. రంగురంగుల బతుకమ్మలను ఒకచోట చేర్చి.. మహిళలంతా కలిసి ఆడిపాడారు. అనంతరం సమీపంలోని చెరువులో నిమజ్జనం చేశారు.

నిజామాబాద్ జిల్లా కేంద్రంలోని ముబారక్​ నగర్​లో సద్దుల బతుకమ్మ వేడుకలు వైభవంగా జరిగాయి. రంగురంగుల బతుకమ్మలతో వీధులన్నీ కళకళలాడాయి. మహిళలంతా ఒకే చోట చేరి బతుకమ్మ పాటలతో ఆడి పాడారు. చిన్నా పెద్దా అని తేడా లేకుండా ఉత్సాహంగా గడిపారు.

బతుకమ్మ పాటలతో పట్టణంలోని వీధులన్నీ మారుమోగాయి. వేడుకల అనంతరం మహిళలంతా కలిసి బతుకమ్మలను సమీపంలోని చెరువులో నిమజ్జనం చేశారు.