బెయిల్​పై విడుదలై బయటకు వచ్చిన వెంటనే మళ్లీ అరెస్టు.. ఎందుకంటే?

బోధన్‌లో శివాజీ విగ్రహం ఘర్షణల్లో మున్సిపల్‌ ఛైర్‌పర్సన్ భర్త శరత్‌ రెడ్డి శుక్రవారం రాత్రి పోలీస్​స్టేషన్​లో ​లొంగిపోయారు. అనంతరం ఆయన స్టేషన్ బెయిల్​పై విడుదలయ్యారు. ఈ క్రమంలో స్టేషన్ బయట ఆయన అనుచరులు హంగామా చేయడంతో పోలీసులు తిరిగి శరత్‌ రెడ్డిని అరెస్ట్ చేశారు.

నిజామాబాద్ జిల్లా బోధన్ పట్టణంలో ఆదివారం శివాజీ విగ్రహం ఏర్పాటులో సహకారం అందించారని మున్సిపల్ చైర్మన్ తూము పద్మ భర్త శరత్ రెడ్డిపై పోలీసులు పలు సెక్షన్​ల కింద కేసు నమోదు చేశారు. శుక్రవారం రాత్రి ఆయన పోలీస్​స్టేషన్​లో లొంగిపోయారు. అనంతరం స్టేషన్ బెయిల్ తీసుకున్న ఇంటికి వెళ్లారు. స్టేషన్ నుంచి బయటకు వచ్చే సమయంలో శరత్‌ రెడ్డి అనుచరులు పూలు చల్లి హంగామా చేశారు.

దీనిపై నిజామాబాద్ జిల్లా పోలీస్ కమిషనర్ నాగరాజు ఆగ్రహం వ్యక్తం చేశారు. శరత్ రెడ్డి స్టేషన్ బెయిల్​తో ఇంటికి వెళ్లి వెళ్లగానే మళ్లీ అరెస్ట్ చేసారు. ప్రస్తుతం ఆయనతో పాటు ఇద్దరు అనుచరులు పోలీస్​స్టేషన్​లో ఉన్నారు.

ఇదీ చదవండి: ఆస్తి పన్ను కట్టలేదని సబ్​రిజిస్ట్రార్ కార్యాలయం సీజ్