నిజామాబాద్ జిల్లా బోధన్లో పసికందు విక్రయం కలకలం సృష్టించింది. ఈ నెల 4న సాయి ప్రసన్న ఆస్పత్రిలో నాందేడ్కి చెందిన పార్వతి పండంటి మగబిడ్డకు జన్మనిచ్చింది. ఆమె భర్త 15ఏళ్ల క్రితమే మరణించాడు. పరువుపోతుందని కన్నబిడ్డను వద్దనుకుంది. అదే విషయం వైద్యురాలు ప్రసన్నకి తెలిపింది. తన బంధువులకు పిల్లలు లేకపోవడం వల్ల ఆ బాబుని వాళ్లకి విక్రయిస్తానని డాక్టర్ చెప్పింది. 4 రోజుల పసికందును ఆయాకి ఇచ్చి హైదరాబాద్ తరలించింది. బాబుని విక్రయిస్తుండగా ఐసీడీఎస్ అధికారి లలితాకుమారి పట్టుకున్నారు. బాబుని నిలోఫర్ ఆస్పత్రికి తరలించారు. అనంతరం ఆయా శనాష్ బేగం, వైద్యురాలు ప్రసన్న, తల్లి పార్వతిలపై పోలీస్ స్టేషన్లో ఫిర్యాదు చేశారు.
భర్త చనిపోయిన 15ఏళ్లకు బిడ్డకు జన్మనిచ్చింది..