పోలీసుల సహకారంతోనే దొంగ పాస్​పోర్టులు: అర్వింద్

ఒకే ఇంటి నుంచి అనేక నకిలీ పాస్​పోర్టులు జారీ చేసినందుకు నిజామాబాద్ పోలీస్ కమిషనర్ రాజీనామా చేయాలని డిమాండ్ చేశారు ఎంపీ అర్వింద్ కుమార్. బోధన్ ఎమ్మెల్యే షకీల్ భూకబ్జాలకు పాల్పడుతున్నారని ఆయన ఆరోపించారు. దొంగ పాస్​పోర్టుల విషయంలో పోలీసుల హస్తముందని దుయ్యబట్టారు.

బోధన్​లో ఒకే ఇంటి నుంచి అనేక నకిలీ పాస్​పోర్టులు జారీ చేసినందుకు నిజామాబాద్ పోలీస్ కమిషనర్ రాజీనామా చేయాలని ఎంపీ అర్వింద్ డిమాండ్ చేశారు. పాస్​పోర్టుల వ్యవహారంలో జిల్లా పోలీసు శాఖ పూర్తిగా విఫలమైందన్నారు. ఈ వ్యవహారంలో ఆధార్ కార్డుల రీసర్వే చేసేలా ప్రభుత్వ ప్రధాన కార్యదర్శికి లేఖ రాస్తామన్నారు.

జాతీయ దర్యాప్తు సంస్థలతో విచారణ చేయించాలని కేంద్ర హోంశాఖ మంత్రి అమిత్ షా, విదేశాంగశాఖ మంత్రి జైశంకర్​లకు లేఖ రాస్తామని అర్వింద్ తెలిపారు. నిజామాబాద్, బోధన్​లో తెరాస నేతలు కబ్జాలకు పాల్పడుతున్నారని ఆరోపించారు. ఇందులో బోధన్ ఎమ్మెల్యే షకీల్​కు హస్తముందని ఆరోపించారు.

ఇదీ చూడండి:న్యాయవాదుల హత్య ప్రాంతంలో ఐజీ సందర్శన