స్థానికసంస్థల కోటా ఎమ్మెల్సీ ఉపఎన్నికకు షెడ్యూల్​

నిజామాబాద్ స్థానికసంస్థల కోటా ఎమ్మెల్సీ ఉపఎన్నికకు షెడ్యూల్ విడుదలైంది. ఉపఎన్నిక కోసం ఈ నెల 12న నోటిఫికేషన్ జారీ చేస్తారు. ఏప్రిల్ 7న ఉదయం ఎనిమిది నుంచి సాయంత్రం నాలుగు గంటల వరకు పోలింగ్ నిర్వహిస్తారు. ఏప్రిల్ తొమ్మిదిన ఓట్ల లెక్కింపు చేపడతారు.

నిజామాబాద్ స్థానికసంస్థల కోటా ఎమ్మెల్సీ ఉపఎన్నికకు షెడ్యూల్ విడుదలైంది. భూపతిరెడ్డి అనర్హతా వేటుతో ఖాళీ అయిన స్థానానికి ఉపఎన్నిక నిర్వహించేందుకు కేంద్ర ఎన్నికల సంఘం షెడ్యూల్ విడుదల చేసింది.

ఉపఎన్నిక కోసం ఈ నెల 12న నోటిఫికేషన్ జారీ చేస్తారు. అదే రోజు నుంచి ఈ నెల 19 వరకు నామినేషన్లు స్వీకరిస్తారు. 20 న నామినేషన్లు పరిశీలన చేపడతారు. 23 వరకు నామినేషన్ల ఉపసంహరణకు గడువుంటుంది.

ఏప్రిల్ ఏడో తేదీన ఉదయం ఎనిమిది నుంచి సాయంత్రం నాలుగు గంటల వరకు పోలింగ్ నిర్వహిస్తారు. ఏప్రిల్ తొమ్మిదిన ఓట్ల లెక్కింపు చేపడతారు.