స్థల వివాద విషయంలో బుధవారం రాత్రి నిజామాబాద్‌లో నాటకీయ పరిణామాలు చోటుచేసుకున్నాయి. ఆర్టీసీ ఛైర్మన్, నిజామాబాద్ గ్రామీణ ఎమ్మెల్యే బాజిరెడ్డి గోవర్ధన్‌ అల్లుడు మోటాడి సంపత్‌.. నగర పాలక సంస్థ మేయర్ నీతూ కిరణ్‌ భర్త దండుశేఖర్‌ల మధ్య ఈ వ్యవహారం నడిచింది. సంపత్‌ అలియాస్‌ పింటు వాహనంపై బుధవారం మధ్యాహ్నం దాడి జరిగింది. అతడి స్నేహితుడైన వెంకట్‌యాదవ్‌పై కూడా కొందరు దాడి చేసి నిర్బంధించారు. తన స్నేహితుడు వెంకట్‌పై మేయర్ భర్త దండు శేఖర్‌ సహా మరికొందరు దాడి చేశారని సంపత్‌ ఏసీపీకి ఫిర్యాదు చేశారు. తనపైనా రాళ్లతో దాడి చేశారని ఫిర్యాదులో పేర్కొన్నారు. ఈ క్రమంలో మేయర్ భర్త దండు శేఖర్‌ సహా మరికొందరిపై కేసు నమోదు చేసినట్లు రాత్రి 9 గంటల సమయంలో పోలీసులు వెల్లడించారు. అరగంట తర్వాత కేసు నమోదు చేయలేదంటూ సమాచారం ఇచ్చారు. రాజకీయ ఒత్తిళ్లు, ఇరువర్గాలు అధికార పార్టీ వారు కావడంతో చర్చల ద్వారా వివాదాన్ని పరిష్కరించుకోవాలని నిర్ణయించుకున్నట్లు తెలుస్తోంది.
అసలేం జరిగింది..