ఎస్సారెస్పీని సందర్శించిన నిజామాబాద్​ కలెక్టర్

నిజామాబాద్​ జిల్లాలోని శ్రీరాంసాగర్ ప్రాజెక్టును జిల్లా కలెక్టర్​ రామ్మోహన్​రావు సందర్శించారు. వివిధ ప్రాంతాల నుంచి వచ్చే పర్యాటకులు ప్రాజెక్టు వద్ద అప్రమత్తంగా ఉండాలని సూచించారు.

నిజామాబాద్​ జిల్లా మెండోరాలోని శ్రీరాంసాగర్​ ప్రాజెక్టును కలెక్టర్​ రామ్మోహన్​రావు సందర్శించారు. నీటి ప్రవాహాన్ని పరిశీలించి, నీటి మట్టం, ఇన్​ఫ్లో, ఔట్​ఫ్లో వివరాలు అధికారులను అడిగి తెలుసుకున్నారు. వివిధ ప్రాంతాల నుంచి సందర్శనకు వచ్చే పర్యాటకులు ప్రాజెక్టు వద్ద జాగ్రత్తగా ఉండాలని, తిరిగి ఇళ్లకు క్షేమంగా వెళ్లాలని సూచించారు. ప్రాజెక్టు పైనకు వెళ్లడానికి ఎవరికి అనుమతి లేదని, అధికారులకు సహకరించాలని కోరారు.

• ఇదీ చూడండి : మరిగే నూనెలో మురిగిన ముక్కలేసి...