'జాగ్రత్తలు పాటించాలి.. అత్యవసరం అయితేనే బయటికి రావాలి'

కరోనా రోజురోజుకూ విజృంభిస్తున్న నేపథ్యంలో ప్రజలందరూ జాగ్రత్తగా ఉండాలని నిజామాబాద్​ నగర మేయర్​ దండు నీతూ కిరణ్​ సూచించారు. ఈ సందర్భంగా గర్భిణులకు, దీర్ఘకాల వ్యాధిగ్రస్తులకు మాస్కులను పంపిణీ చేశారు.

నిజామాబాద్ నగరం చంద్రశేఖర్ కాలనీలోని అర్బన్ హెల్త్ సెంటర్​లో గర్భిణులు, దీర్ఘకాల వ్యాధిగ్రస్తులకు మేయర్ దండు నీతూ కిరణ్ మాస్కులు అందించారు. కరోనా వ్యాధి రోజురోజుకు విజృంభిస్తున్న నేపథ్యంలో సీఎం కేసీఆర్ ఆదేశాలమేరకు ఈ కార్యక్రమాన్ని నిర్వహిస్తున్నట్లు వెల్లడించారు.

అత్యవసర పనులుంటే తప్ప బయటకు రాకుండా జాగ్రత్తలు తీసుకోవాలని తెలిపారు. ప్రజలందరూ భౌతికదూరం పాటిస్తూ... వ్యక్తిగత పరిశుభ్రతను పాటించాలని సూచించారు. కార్యక్రమంలో నగర కమిషనర్​ జితేష్, డీఎంహెచ్​ఓ డాక్టర్ సుదర్శనం పాల్గొన్నారు.