నిజామాబాద్​లో ప్రశాంతంగా ముగిసిన ప్రాదేశిక పోలింగ్​

నిజామాబాద్​ జిల్లాలో ప్రాదేశిక ఎన్నికల పోలింగ్​ ప్రశాంతంగా ముగిసింది. ఓటర్లకు ఎటువంటి ఇబ్బందులు కలగకుండా అధికారులు జాగ్రత్తలు తీసుకున్నారు.

నిజామాబాద్​ జిల్లాలో మొదటి విడత స్థానిక సంస్థల ఎన్నికలు ప్రశాంతంగా ముగిశాయి. నిజామాబాద్ రెవిన్యూ డివిజన్ పరిధిలో 6 ఎంపీటీసీ స్థానాలు, ఒక జడ్పీటీసి ఏకగ్రీవం కాగా మిగతా 94 ఎంపీటీసీ, 7 జడ్పీటీసీ స్థానాలకు ఎన్నికలు జరిగాయి. దాదాపు 3400 మంది ఎన్నికల సిబ్బంది ఈ ఎన్నికల్లో పాల్గొన్నారు. సుమారు 135 వరకు సున్నిత, అతిసున్నిత పోలింగ్ కేంద్రాలను గుర్తించి అందులో లైవ్ వెబ్​కాస్టింగ్, వీడియోగ్రఫీ ఏర్పాటు చేశారు. ఓటర్లకు ఎటువంటి ఇబ్బందులు కలగకుండా టెంట్లు, త్రాగునీరు, వైద్య సదుపాయం, వీల్​ఛైర్లు ఏర్పాటు చేశారు. ఎలాంటి అవాంఛనీయ సంఘటనలు జరగకుండా పోలీసులు బందోబస్తు ఏర్పాటు చేశారు.

ఇవీ చూడండి: బ్యాలెట్ పత్రాన్ని ఫొటో తీసి అరెస్ట్ అయ్యాడు