ఒవైసీకో న్యాయం మాకో న్యాయమా: ఎంపీ అర్వింద్​

నిజామాబాద్​ సీపీ కార్తికేయపై ఎంపీ అర్వింద్ ఆగ్రహం వ్యక్తం చేశారు. నిజామాబాద్ జిల్లా ఆర్మూర్​లో ప్రచారం చేస్తున్న సమయంలో సీపీ నుంచి ఫోన్​ వచ్చింది. రాజా సింగ్​ పర్యటనకు అనుమతివ్వని పోలీసులు ఒవైసీ పర్యటనకు ఎలా అనుతిస్తారంటూ ప్రశ్నించారు.

భాజపా ఎమ్మెల్యే రాజా సింగ్​ రేపు నిజామాబాద్​ జిల్లాలో పర్యటించనున్నారు. ఆయన రానున్న నేపథ్యంలో స్థానిక భాజపా నాయకులు బైక్​ ర్యాలీకి అనుమతికి దరఖాస్తు చేసుకున్నారు. అయితే పోలీసులు వారికి అనుమతి ఇవ్వలేదు.

ఈ రోజు ఆర్మూర్​లో ఎంపీ అర్వింద్​ ప్రచారంలో ఉండగా సీపీ కార్తీకేయ ఫోన్​ చేశారు. రాజా సింగ్​ పర్యటనకు అనుమతివ్వని పోలీసులు ఒవైసీ పర్యటనకు ఎలా అనుతిస్తారంటూ సీపీని ప్రశ్నించారు ఎంపీ. రేపు చేపట్టే నిరాహార దీక్షను తాను విరమించుకున్నట్లు చెప్పారు. అనుమతి ఇచ్చినా ఇవ్వపోయినా రేపు ద్విచక్ర వాహన ర్యాలీ చేసి తీరుతామని తేల్చి చెప్పారు.

ఇవీ చూడండి;నిర్భయ దోషి క్షమాభిక్షకు నిరాకరించిన రాష్ట్రపతి