'అవినీతి వల్లే కాళేశ్వరం హోదాపై కేసీఆర్ మౌనం'

తన అవినీతి బయట పడుతుందనే కాళేశ్వరం ప్రాజెక్టుకు జాతీయ హోదాపై కేసీఆర్​ ఒత్తిడి చేయడం లేదని ఎమ్మెల్సీ జీవన్​రెడ్డి ఆరోపించారు. ఏకపక్ష నిర్ణయాలతో కేసీఆర్​ ప్రభుత్వం అన్ని రంగాల్లో విఫలమవుతోందని మండిపడ్డారు.

కాళేశ్వరం ప్రాజెక్టుకు జాతీయ హోదా వస్తే అవినీతి బయట పడుతుందనే భయంతోనే కేంద్ర ప్రభుత్వంపై కేసీఆర్​ ఒత్తిడి చేయడం లేదని కాంగ్రెస్​ ఎమ్మెల్సీ జీవన్​రెడ్డి ఆరోపించారు. నిజామాబాద్​లో కాంగ్రెస్​ విస్తృత స్థాయి సమావేశంలో ఆయన మాట్లాడుతూ.. బంగారు తెలంగాణ అంటూ రాష్ట్రాన్ని అప్పుల కుప్పగా మార్చారని మండిపడ్డారు. ఏకపక్ష నిర్ణయాలతో కేసీఆర్​ ప్రభుత్వం అన్ని రంగాల్లో విఫలమవుతోందని ధ్వజమెత్తారు. పార్టీ బలోపేతం, సభ్యత్వ నమోదు, పురపాలక ఎన్నికల్లో అనుసరించాల్సిన వ్యూహాలపై నేతలకు పలు సూచనలిచ్చారు. ఈ కార్యక్రమంలో మాజీమంత్రి జీవన్​రెడ్డి, మాజీ విప్ అనిల్​, మాజీ ఎమ్మెల్సీ భూపతిరెడ్డి పాల్గొన్నారు.

ఇవీ చూడండి: 'తెలంగాణ పల్లెల్లో అభివృద్ధి కుంటుపడుతోంది'