శ్రీరాం సాగర్​ ప్రాజెక్టును సందర్శించిన మేయర్ నీతూకిరణ్

నిజామాబాద్​ జిల్లాలోని శ్రీరాంసాగర్​ ప్రాజెక్టును కుటుంబసభ్యులతో కలిసి మేయర్ నీతూకిరణ్​ సందర్శించారు. అనంతరం జలాశయం దిగువన ఉన్న పవర్​హౌస్​ను పరిశీలించారు.

నిజామాబాద్ జిల్లా శ్రీరాంసాగర్ ప్రాజెక్టును నిజామాబాద్ మేయర్ నీతూకిరణ్​ సందర్శించారు. తమ కుటుంబసభ్యులతో కలిసి డ్యామ్​పై కలియ తిరుగుతూ ప్రాజెక్టు అందాలను తిలకించారు. ఎస్సారెస్పీ పూర్తిస్థాయి నీటి మట్టం చేరుకోగా.. ప్రాజెక్టు నిండుకుండను తలపిస్తోందన్నారు.

ఆ తర్వాత అధికారులు.. ప్రాజెక్టు వివరాలను మేయర్​కు తెలియజేశారు. అనంతరం శ్రీరాం సాగర్​ ప్రాజెక్టు దిగువన ఉన్న పవర్​హౌస్​ను సందర్శించారు. ఎడతెరిపి లేని వర్షాలు, ఎగువ నుంచి వస్తున్న వరదతో తెలంగాణ వరప్రదాయని ఎస్సారెస్పీ ప్రాజెక్టు నిండిపోయి.. దిగువ ప్రాంతాలకు పొంగిపొర్లుతోందని మేయర్​ ఆనందం వ్యక్తం చేశారు.

ఇవీ చూడండి: దేశానికి మేజర్​ ధ్యాన్​చంద్​ సేవలు చిరస్మరణీయం