మరొక మహిళతో వివాహేతర సంబంధం పెట్టుకొని తన భర్త తనను నిర్లక్ష్యం చేస్తున్నాడని హైదరాబాద్ గాంధీ ఆసుపత్రిలో వైద్యురాలిగా పనిచేస్తున్న డాక్టర్ సలంద్ర రేణుక ఆవేదన వ్యక్తం చేశారు. నిర్మల్, ఆర్మూర్లలోని పలు ఆసుపత్రుల్లో పనిచేసే డాక్టర్ సలంద్ర మోహన్ బాబు(మత్తుమందు డాక్టర్)తో 2000 సంవత్సరంలో వివాహమైందని... మొదట్లో వైవాహిక జీవితం సాఫీగా సాగిందని తెలిపారు.
గాంధీ వైద్యురాలి నిరాహార దీక్ష.. భర్తపై పోరాటం పెళ్లైన కొన్నేళ్ల తర్వాత మరో మహిళతో సంబంధం పెట్టుకొని భర్త తనను ఇంటి నుంచి గెంటేశాడని బాధితురాలు కన్నీరుమున్నీరు అవుతున్నారు. గత ఐదేళ్లుగా తన భర్త తనను మనోవేదనకు గురిచేన్నాడని ఆరోపించారు. నిజామాబాద్ జిల్లా ఆర్మూర్లోని తహసీల్దార్ కార్యాలయం ఎదురుగా నిరాహార దీక్షకు దిగారు. తనకు ఎలాగైనా న్యాయం చేయాలని బాధితురాలు వేడుకున్నారు. తన కష్టార్జితంతో కొన్న ఇంటిని అక్రమంగా సలంద్ర లత అనే మహిళ పేరు మీద రాయించాడని ఆరోపించారు. తనకు తన భర్త కావాలని డిమాండ్ చేశారు. టీఆర్ఎస్ జిల్లా ఉపాధ్యక్షురాలు వనజ అండగా ఉంటామని హామీ ఇచ్చారన్నారు.
