వరవరరావును విడుదల చేయాలంటూ వామపక్షాల దీక్ష

విరసం నేత వరవరరావు, దిల్లీ యూనివర్సిటీ ప్రొఫెసర్ సాయిబాబాలను విడుదల చేయాలని డిమాండ్ చేస్తూ నిజామాబాద్​లో వామపక్ష సంఘాల నిరసన చేశాయి. వారి అనారోగ్యాన్ని దృష్టిలో పెట్టుకుని మధ్యంతర బెయిల్​ను మంజూరు చేయాలని వామపక్షనేత భూమన్న కోరారు.

విరసం నేత వరవరరావు, ప్రొఫెసర్​ సాయిబాబాలను విడుదల చేయాలంటూ నిజామాబాద్​ నగరంలోని ఎన్​ఆర్​ భవన్​లో వామపక్ష సంఘాలు నిరసన దీక్ష నిర్వహించాయి. మావోయిస్టులతో సంబంధాలున్నాయనే నెపంతో సాయిబాబా, వరవర రావులను అరెస్టు చేయడం దారుణమని వామపక్ష నాయకులు భూమన్న మండిపడ్డారు.

ప్రస్తుతం వారు అనారోగ్యంతో బాధపడుతున్నారని వారిపై కేసులు ఉంటే కోర్టులో హాజరుపరచాలే కానీ జైల్లో నిర్బంధించి వారి గొంతుకను నొక్కేయడం సరికాదని ఆరోపించారు. తక్షణమే వారికి మధ్యంతర బెయిల్​ను మంజూరు చేయాలని ప్రభుత్వానికి కోరారు.

ఇవీచూడండి:వర్సిటీల ప్రైవేటీకరణకు ప్రభుత్వ కుట్ర: భట్టి