'అధికారం లేకపోయినా.. అందుబాటులోనే ఉంటాను'

నిజామాబాద్​ జిల్లా, మంచిప్ప గ్రామంలో గుండెపోటుతో మరణించిన తెరాస కార్యకర్త కిశోర్​ కుటుంబానికి అండగా ఉంటామని మాజీ ఎంపీ కవిత హామీ ఇచ్చారు.

నిజామాబాద్‌ జిల్లా మోపాల్​ మండలం మంచిప్పలో గుండెపోటుతో మరణించిన తెరాస కార్యకర్త కిశోర్​ కుటుంబాన్ని మంత్రి ప్రశాంత్‌రెడ్డి, మాజీ ఎంపీ కవిత పరామర్శిచారు. కిశోర్​ కుటుంబానికి అండగా ఉంటామని కవిత హామీ ఇచ్చారు. రాజకీయాల్లో గెలుపోటములు సహాజం కాబట్టి కార్యకర్తలందరూ సహనం కలిగి ఉండాలని సూచించారు. గెలిచిన వారు ప్రజలకు ఇచ్చిన హామీలు నెరవేర్చాలని వ్యాఖ్యానించారు. అధికారం లేకపోయినా ప్రజలకు ఎప్పుడూ అందుబాటులోనే ఉంటానని కవిత వెల్లడించారు.