'జీహెచ్​ఎంసీ మాదిరిగా వేతనాలు చెల్లించాలి'

ఔట్​ సోర్సింగ్​ కార్మికులకు జీతాలు పెంచాలని డిమాండ్​ చేస్తూ ఐఎఫ్​టీయూ ఆధ్వర్యంలో నిజామాబాద్​ మున్సిపల్​ కార్యాలయం ఎదుట ధర్నా నిర్వహించారు. జీహెచ్​ఎంసీ కార్మికులకు ఇచ్చినట్లుగా తమకూ అంతే స్థాయిలో వేతనాలు చెల్లించాలని డిమాండ్​ చేశారు.

నిజామాబాద్​ మున్సిపల్‌ కార్పొరేషన్‌లో పనిచేస్తున్న ఔట్​ సోర్సింగ్‌ కార్మికులకు జీతాలు పెంచాలని డిమాండ్‌ చేస్తూ.. ఐఎఫ్​టీయూ ఆధ్వర్యంలో నగరపాలక సంస్థ కార్యాలయం ఎదుట కార్మికులు ధర్నా నిర్వహించారు. అనంతరం కలెక్టర్​కు వినతిపత్రం అందజేశారు.

నిజామాబాద్ కార్పొరేషన్‌లో కాంట్రాక్టు పద్ధతిలో పనిచేస్తున్న కార్మికులకు జీహెచ్‌ఎంసీలో మాదిరిగా వేతనాలు పెంచాలని ఐఎఫ్​టీయూ రాష్ట్ర అధ్యక్షులు వనమల కృష్ణ డిమాండ్‌ చేశారు. హైకోర్టు ఉత్తర్వుల ప్రకారం సమాన పనికి సమాన వేతనం ఇవ్వాలని కోరారు.

ఇదీ చదవండి:నెల్లికల్లులో ఎత్తిపోతల పథకాలకు సీఎం కేసీఆర్ శంకుస్థాపన