ధాన్యం కొనుగోలు కేంద్రాన్ని ప్రారంభించిన ఎమ్మెల్యే

నిజామాబాద్​ జిల్లా వ్యవసాయ మార్కెట్​లో ధాన్యం కొనుగోలు కేంద్రాన్ని ఎమ్మెల్యే గణేష్​ గుప్తా ప్రారంభించారు. రైతులంతా సద్వినియోగం చేసుకోవాలని సూచించారు.

నిజామాబాద్​ జిల్లా వ్యవసాయ మార్కెట్​లో పట్టణ పేదరిక నిర్మూలన సంస్థ(మెప్మా) ఆధ్వర్యంలో ధాన్యం కొనుగోలు కేంద్రాన్ని ఏర్పాటు చేశారు. ఎమ్మెల్యే గణేష్​ గుప్తా ముఖ్యఅతిథిగా హాజరై కొనుగోలు కేంద్రాన్ని ప్రారంభించారు. రైతులంతా ప్రభుత్వం ఏర్పాటు చేసిన కొనుగోలు కేంద్రాల్లో ధాన్యాన్ని విక్రయిస్తే గిట్టుబాటు ధర పొందుతారని గణేష్​ గుప్తా తెలిపారు. దళారులకు ఎట్టి పరిస్థితుల్లో ధాన్యం అమ్మకూడదని సూచించారు. కార్యక్రమంలో మెప్రా పీడీ రాములు, పౌరసరఫరాల శాఖ జిల్లా అధికారులు, స్థానిక ప్రజాప్రతినిధులు తదితురులు పాల్గొన్నారు.

ఇదీ చదవండిః ధాన్యం కొనుగోలు కేంద్రాన్ని ప్రారంభించిన గంగుల