నిజామాబాద్ జిల్లా బోధన్ పట్టణంలో మహాత్మ గాంధీ 150వ జయంతి వేడుకలను ఘనంగా నిర్వహించారు. స్థానిక గాంధీపార్క్లోని మహాత్ముని విగ్రహానికి... ఆర్డీవో గోపీరామ్ పూలమాల వేసి నివాళులర్పించారు. అనంతరం అంబేడ్కర్ చౌరస్తా నుంచి గాంధీ గంజ్ వరకు సంకల్ప్ యాత్రలో భాగంగా కాలినడకన వెళ్లారు. మహాత్ముడి ఆశయాలకు అనుగుణంగా ప్లాస్టిక్ని నిషేధించి, పర్యావరణాన్ని కాపాడాలని కోరారు గోపీరామ్. యాత్రలో భాగంగా కాలనీల్లో పేరుకుపోయిన చెత్తను, మురుగు వ్యవస్థను ఆర్డీఓ పరిశీలించి... పరిసరాలను ఎప్పటికప్పుడు పరిశుభ్రంగా ఉంచుకోవాలని స్థానికులు, మున్సిపల్ సిబ్బందికి సూచించారు. ఈ కార్యక్రమంలో ఎమ్మార్వో రామకృష్ణ, మున్సిపల్ కమిషనర్ స్వామి, పట్టణ ప్రముఖులు పాల్గొన్నారు.
ఘనంగా మహాత్ముడి 150వ జయంతి వేడుకలు