అడవి పందుల కోసం అమర్చి.. అతనే బలయ్యాడు

పంట రక్షణ కోసం ఆ రైతు అమర్చిన విద్యుత్​ కంచె అతని పాలిటే మృత్యపాశంగా మారుతుందని ఊహించలేదు. పంటను కాపాడుకునేందుకు అమర్చిన విద్యుత్​ తీగలు తగిలి ఆ అన్నదాత అక్కడికక్కడే ప్రాణం వదిలాడు.

నిజామాబాద్​ జిల్లా ధర్పల్లి మండలం కొట్టాలపల్లిలో విద్యుదాఘాతంతో రైతు బలరాం మృతిచెందాడు. రబీ కోసం నారుమడి సిద్ధం చేసిన బలరాం.. తరచూ అడవి పందులు పంటను ధ్వంసం చేస్తున్నాయని విద్యుత్​ వలయాన్ని ఏర్పాటు చేశాడు.

నారుమడికి నీరు పారించేందుకు బలరాం ఈరోజు పొలానికి వెళ్లాడు. చూసుకోకుండా తాను అమర్చిన విద్యుత్​ తీగలు తగలి.. అక్కడికక్కడే మృత్యవాత పడ్డాడు.

• ఇదీ చూడండి : గ్రీన్​ఇండియా కోసం కృషి చేద్దాం: షాయాజీ షిండే