సెల్​ఫోన్​ దొంగను పట్టుకున్న నిజామాబాద్ పోలీసులు

చరవాణీల చోరీకి పాల్పడుతున్న ఓ యువకుణ్ని నిజామాబాద్​ పోలీసులు కమ్మర్​పల్లిలో మాటు వేసి చాకచక్యంగా పట్టుకున్నారు.

నిజామబాదాద్​ జిల్లా కమ్మర్​పల్లిలో గత కొంతకాలంగా సెల్​ఫోన్​ దొంగతనాలు జరుగుతున్నాయి. చోరీలపై అనుమానం ఉన్న వ్యక్తులపై పోలీసులు మాటు వేశారు. శనివారం కమ్మరపల్లిలో సంత జరిగింది. ఓ వ్యక్తి వస్తువులు కొనుగోలు చేసేందుకు ముందుకు వంగిన సమయంలో కవర్​ను అడ్డు పెట్టుకుని ఓ యువకుడు చరవాణీని అపహరించాడు. దీన్ని ముందు నుంచి గమనించిన పోలీసులు ఆ యువకుడిని చాకచక్యంగా అదుపులోకి తీసుకున్నారు.