ఎల్​ఆర్​ఎస్​ను రద్దు చేయాలంటూ కాంగ్రెస్​ నిరసన

నిజామాబాద్​ జిల్లా బోధన్​ పట్టణం ఆర్డీవో కార్యాలయంలో కాంగ్రెస్​ పార్టీ నాయకులు, కార్యకర్తలు తెలంగాణ ప్రభుత్వం ప్రవేశపెట్టిన ఎల్​ఆర్​ఎస్​ స్కీంను రద్దు చేయాలని డిమాండ్​ చేస్తూ నిరసనకు దిగారు.

నిజమాబాద్​ జిల్లా బోధన్​ అంబేడ్కర్​ చౌరస్తా నుంచి స్థానిక ఆర్డీవో కార్యాలయం వరకు కాంగ్రెస్​ కార్యకర్తలు ర్యాలీ చేపట్టారు. బోధన్​ ఆర్డీవో కార్యాలయం వద్ద బైఠాయించి తెలంగాణ ప్రభుత్వం ప్రవేశపెట్టిన ఎల్​ఆర్​ఎస్​కు వ్యతిరేకంగా నినాదాలు చేశారు. అనంతరం ఆర్డీవో రాజేశ్వర్​కు వినతిపత్రాన్ని సమర్పించారు.

పేద, మధ్య తరగతి కుటుంబాలకు ఆర్థికంగా దెబ్బతీసేలా ఉన్న ఈ స్కీంను వెంటనే ఉపసంహరించుకోవాలని హస్తం నేతలు డిమాండ్ చేశారు. ప్రజలు ఎల్​ఆర్​ఎస్​ భయంతో ప్లాట్ల లావాదేవీలు చేయట్లేదని.. కొన్నవారు కూడా ఎల్​ఆర్​ఎస్​ కట్టేందుకు ఇబ్బందులు పడుతున్నారన్నారు.

ఇదీ చదవండిః'ఎల్​ఆర్​ఎస్​ పేరుతో తెరాస ప్రజలను దోచుకుంటోంది'