ఫీవర్​ సర్వేను వేగవంతం చేయాలి: నారాయణరెడ్డి

ఫీవర్​ సర్వేను వేగవంతం చేయాలని కలెక్టర్ నారాయణరెడ్డి వైద్య సిబ్బందిని ఆదేశించారు. నిజామాబాద్​ జిల్లా డిచ్​పల్లి మండలంలోని నడిపల్లి, ధర్మారం(బి) గ్రామాల్లో జరుగుతోన్న సర్వేను ఆయన పరిశీలించారు. స్వల్ప కరోనా లక్షణాలు ఉన్నవారికి వెంటనే మెడికల్​ కిట్ అందజేయాలని సిబ్బందికి సూచించారు.

కొద్దిపాటి కరోనా లక్షణాలు ఉన్నవారికి వెంటనే మెడికల్ కిట్ అందించాలని కలెక్టర్​ సి.నారాయణరెడ్డి సూచించారు. నిజామాబాద్ జిల్లా డిచ్​పల్లి మండలంలోని నడిపల్లి, ధర్మారం(బి) గ్రామాల్లో నిర్వహిస్తోన్న ఇంటింటి ఫీవర్​ సర్వేను ఆయన పరిశీలించారు. ఈ సందర్భంగా సిబ్బందికి పలు సూచనలు చేశారు.

స్వల్ప జ్వర లక్షణాలు ఉన్నవారికి మెడికల్ కిట్​ అందించి.. వారు హోం ఐసోలేషన్​లో ఉండేలా చూడాలని సిబ్బందికి సూచించారు. మెడికల్ సిబ్బంది ఇచ్చిన మందులు వాడాలని.. తగు జాగ్రత్తలు పాటించాలని ప్రజలకు విజ్ఞప్తి చేశారు. ఈ సందర్భంగా సర్వేను వేగవంతం చేయాలని ఆదేశించారు.