నిజామాబాద్ జిల్లా నవీపేట్ గ్రామ శివారులో గుర్తు తెలియని వ్యక్తి మృతదేహాన్ని పోలీసులు గుర్తించారు. జానకంపేట్‌ - బాసర ప్రధాన రహదారి పక్కన చెట్ల పొదల్లో శవం కనిపించిందని ఎస్ఐ వెంకటేశ్వర్లు తెలిపారు. ఆనవాళ్లను పరిశీలిస్తే మరణించి రెండు మూడు రోజులైనట్లు తెలుస్తోందన్నారు. మృతదేహాన్ని పోస్టుమార్టం నిమిత్తం ప్రభుత్వాసుపత్రికి తరలించనున్నట్లు పేర్కొన్నారు. ఈ ఘటనపై కేసు నమోదు చేసుకుని దర్యాప్తు చేయనున్నట్లు ఆయన వెల్లడించారు.
గుర్తు తెలియని యువకుని మృతదేహం లభ్యం