'కరోనా కట్టడిలో ప్రభుత్వ వైఫల్యాలపై ఉద్యమిస్తాం'

కరోనా కట్టడిలో ప్రభుత్వాలు వైఫల్యం చెందాయని ఐక్యకార్యాచరణ సమితి నాయకులు ఆరోపించారు. ప్రభుత్వ వైఫల్యాలను నిలదిస్తూ ఉద్యమిస్తామని పేర్కొన్నారు. నిజామాబాద్ నగరంలోని తెదేపా కార్యాలయంలో సమావేశం నిర్వహించారు.

కొవిడ్​ వ్యాప్తిని అరికట్టడంలో కేంద్ర, రాష్ట్ర ప్రభుత్వాలు పూర్తిగా విఫలమయ్యాయని ఐక్యకార్యాచరణ సమితి నాయకులు ఆరోపించారు. నిజామాబాద్​లోని తెదేపా కార్యాలయంలో విపక్షనేతలు సమావేశం నిర్వహించారు. లాక్​డౌన్​ వల్ల ఉపాధి కోల్పోయిన వారికి... ఉపాధి కల్పనలో అలసత్వం ప్రదర్శిస్తున్నారని ప్రభుత్వంపై మండిపడ్డారు.

కొవిడ్​ సమయంలో పనిచేస్తున్న ఉద్యోగులను ఆదుకోవడంలో ప్రభుత్వం నిమ్మకు నీరెత్తినట్లు వ్యవహరిస్తోందన్నారు. ప్రభుత్వాల తీరును నిరసిస్తూ ఉద్యమిస్తామని హెచ్చరించారు. కార్యక్రమంలో నిజామాబాద్​ నియోజకవర్గ తెదేపా పార్లమెంట్​ అధ్యక్షుడు యాద గౌడ్, సీపీఎం జిల్లా కార్యదర్శి రమేశ్​ బాబు, సీపీఐ నాయకుడు ఓమయ్య, టీజేఏసీ ఛైర్మన్ భాస్కర్ తదితరులు పాల్గొన్నారు.